Кали Роџерс на 16 години освои 2 милиони евра на лотарија, а денес, 15 години подоцна, нема веќе пари, Најмладата добитничка на лото во Велика Британија ги потроши сите пари на журкање, дрога, пластични операции и други непотребни луксузи, а денес нема доволно пари за да се грижи за болниот син.
Таа е самохрана мајка на три деца, меѓу кои и шестгодишниот Блејк кој боледува од церебрална парализа и не може самостојно да оди и да се храни.
Голема е веројатноста дека ќе му треба нега од друго лице до крајот на животот. Кали вели дека најмногу жали што нема пари да му овозможи подобар живот на Блејк. Во интервјуто за „Дејли мејл“ таа не покажува многу жалење што ги „фрлила патрите во ветер“, освен за ова.
„Никогаш не ми било гајле за брендирана облека или брзи автомобили. Најмногу се каам што немам пари сега за Блејк. Многу ја сака терапијата со сензорни симулации. Да ги имам сега тие пари би му ја купила најголемата сензорна просторија“, вели Кали.
Таа и претходно има зборувано дека добивката на лото ја направила несреќна. Кога пред 15 години освои 1,8 милиони фунти, сите мислеа дека девојката се обезбеди за цел живот. Веднаш даде отказ од работа и почна со луди журки.
Потроши околу 20.000 евра на три операции за зголемување и подигање на градите и околу 330.000 евра на облекам како и повеќе од половина милион евра на семејството, пријателите и поранешните дечковци.
На дечковците им купи неколку автомобили, а дури подоцна сфатила дека само ја искористуваат, бидејќи ја напуштиле многу брзо. Таа признава дека користела кокаин, но негира дека дала повеќе од четврт милион евра на дроги, како што пишуваа некои медиуми.
Сѐ што ѝ остана од парите е инвестицијата во куќата на нејзините баба и дедо што ќе ја наследи откако ќе починат. Сега живее во изнајмена куќа и работи како негуватека, додека истовремено продолжува со школување.
