Долго очекуваниот момент за играчите и навивачите на „Црвените“ ќе се случи на нивниот последен домашен натпревар сезонава, открива Goal.
Иако Ливерпул ја освои титулата уште на 25 јуни кога Манчестер Сити загуби од Челси, сепак уште го чека примопредавањето на драгоцениот пехар.
Тоа ќе се случи на нивниот последен натпревар на „Енфилд“ кога играат против Челси, натпревар кој првично беше закажан за 18 јули, но поради настапот на „Сините“ во полуфиналето од ФА Купот беше поместен за четири дена.
Нормално, на стадионот нема да има публика, па капитенот Џордан Хендерсон ќе го подигне пехарот пред празни трибини. Сепак, клубот планира да направи некаква церемонија, а во планирањето се вклучени и играчите, како и легендарниот Кени Далглиш.
Во Англија традиционално клубот победник одржува парада низ градот шетајќи го пехарот. Но, со оглед на здравствените препораки, малку веројатно е дека тоа ќе се случи во Ливерпул. И да нема парада, тешко е за верување дека навивачите на „Црвените“ нема да излезат на улиците на градот и да го прослават она кое цели 30 години со душа го чекаа.