Данската фудбалска федерација објави важна вест поврзана со Кристијан Ериксен.
„Откако Кристијан помина низ низа испитувања, специјалистите кардиолози во болницата во Копенхаген одлучија да му вградат ИЦД. Овој уред му е потребен откако преживеа срцев удар поради срцевата аритмија. Кристијан го прифати ова решение, кое го предложија сите домашни и странски стручњаци”.
Што е ИЦД уредот кој во иднина ќе го има Ериксен?
„Вградливиот кардиовертер дефибрилатор” (англ. implantable cardioverter defibrilator – ICD) е електронски уред сличен на електростимулаторот на срце кој се вградва под кожата на пациентот. Срцевиот застој или ненадејната смрт на срцето се јавува кога абнормалниот срцев ритам како вентрикуларна тахикардија или вентрикуларна фибрилација ја спречува нормалната работа на срцето и циркулацијата на крвта до мозокот и останатите важни органи. Овие опасни аритмии може да бидат фатални во неколку минути, па е тешко или невозможно да се лечат со вообичаени метори.
ИЦД, популарно наречен дефибрилатор е уред напојуван со посебна батерија кој значително го зголемува преживувањето во случај на појава на вакви аритмии. ИЦД не може да го спречи настанувањето на аритмиите, но може успешно да ги детектира и третира и да го врати нормалниот срцев ритам и да спаси живот.
Подоцнежни компликации:
- Инфекција на местото на вградување - обично целиот систем мора да се извади и повторно да се импалнтира од другата страна откако ќе биде залечена инфекцијата.
- Дисфункција на електродите - електродите се најчувствителниот дел од ИЦД, а силни механички сили може да ги поместат или оштетат електродите, па ќе биде потребен нов хируршки зафат и замена на електродите.
- Неадекватна детекција на аритмиите и испорака на електричен шок
- Прерано празнење на батериите на ИЦД
