Ferrari минатата година продаде 11.155 автомобили, што е најдобар резултат во историјата на познатата италијанска компанија.
Компанијата беше меѓу последните кои ги објавија официјалните продажни резултати од претходната година и во Маранело дефинитивно имаат причина за славење, бидејќи со 11.155 испорачани автомобили ширум светот, Ferrari го постигна најдобриот продажен резултат од своето основање во 1947 година.
Рекордниот продажен резултат, кој е за 22,3 отсто подобар од продажбата во 2020 година, особено е забележлив поради фактот што Ferrari сè уште нема во понудата SUV модел со високи перформанси, бидејќи таквите теренци значително ѝ помогнаа на најжестоката конкуренција на Ferrari во постигнување одлични продажни резултати.
Најголем дел од автомобилите на Ferrari минатата година беа продадени во Европа, Блискиот Исток и Африка (5.492 примероци), потоа во Северна Америка и Азија (Кина, Хонгконг и Тајван), кои забележаа најголем пораст на продажбата во споредба со 2020 година.