На најдобриот светски тенисер Новак Ѓоковиќ дефинитивно му е забранет влез во САД бидејќи не е вакциниран, па ќе ги пропушти мастерсите во Индијан Велс и Мајами.
Оваа вест ја соопшти сенаторот од Флорида, Рик Скот. Тој напиша дека Ѓоковиќ нема да смее да игра во Индијан Велс и во Мајами.
Ѓоковиќ испратил барање до американските власти да му дадат посебен исклучок за настап на претстојните мастерси, но бил одбиен.
„Штотуку ме информираа дека американското Министерство за домашна безбедност го одби барањето на Новак Ѓоковиќ за исклучок од вакцина, што го прави неподобен за турнирите во Индијан Велс и Мајами“, напиша сенаторот Скот, кој апелираше до американскиот претседател Џо Бајден лично да ја промени таа одлука.
„Џо Бајден мора да го поправи ова СЕГА, да одобри исклучок и да го пушти да се натпреварува тука во САД“, напиша Рик Скот.
Турнирот во Индијан Велс е закажан од 6 до 19 март, а во Мајами се игра од 19 март до 2 април.
