Хроника

На ГП „Богородица“ во автомобил пронајдени 11 килограми марихуана

20. октомври 2019 - 11:31 | МИА

Скопје, 20 октомври 2019 (МИА) – Единаесет килограми марихуана се пронајдени при преглед на патничко возило вчера попладне на граничниот премин Богородица, при што е приведен возачот, 26 – годишен албански државјанин.

На Граничен премин „Богородица“ вчера во 15 часот од слобода бил лишен М.М (26) од Република Албанија, кај кого при преглед на патничко моторно возило„мерцедес Е270“, со албански национални ознаки, во специјално направен бункер службеници на Царинската управа пронашле 13 пакувања марихуана, со вкупна тежина од 11 килограми. По целосно документирање на случајот, против лицето ќе биде поднесен соодветен поднесок, наведува Министерството за внатрешни работи во редовниот Дневен билтен.

Коментирај