Атланта, 17 јуни 2019 (МИА) – Повеќе од 40 отсто од мразот на Гренланд имал одреден степен на топење. Вкупното топење во текот на саботата се проценува на две милијарди тони, односно два кубни километри ледена покривка, објави американската телевизиска мрежа CNN.
Иако Гренланд е најголем остров на светот со големо количество мраз, многу е невообичаено толку многу мраз да се истопи во јуни. Сезоната на топење трае од јуни до август, а најголем дел се топи во јули.
Томас Мот, научник од Универзитетот во Џорџија, специјализиран за климата на Гренланд, изјави дека ненадејното зголемување во топењето мраз е невообичаено, но не е без преседан.
„Тоа може да се спореди со она што го забележивме во јуни 2012 година“, истакна Мот, потсетувајќи дека тоа беше рекордна година кога целата ледена покривка на Гренланд имаше одреден степен на топење, што се случило првпат откако се води евиденција.