Новите откритија кои се стекнати со помош на сондата Juno, која орбитира околу Јупитер, наведуваат на заклучок дека на оваа планета би можело да има вода. Научниците тврдат дека оваа планета имала проблеми со развитокот уште при самото настанување, па затоа сега на неа можат да се забележат огромен број чудни аномалии.
Со помош на телескопот на Мауна Каји и опсерваторијата Кек, каде се наоѓа уред за кој Американците тврдат дека е најчувствителниот инфрацрвен телескоп во светот, пронајдени се докази дека во Големата црвена пега, Јупитеровата бура, има траги на вода.
Кон новите докази допринесе и сондата Juno, која може да се спушти најдлабоко во облаците на Јупитер од било кое тело досега кое беше пратено по човечка иницијатива во Сончевиот систем. Ако знаеме дека Јупитер е пребогат со водород, а сега е откриен и кислород, значи дека на планетата постојат состојки за вода.
Она што засега не може да се открие е колкава количина на вода всушност има на Јупитер. Гордон Бјоракер од NASA вели дека месечините кои орбитираат околу Јупитер се составено главно од вода, па поради тоа е логично да се претпостави дека целата негова околина е „наводнета“.
Јупитер е гасовит џин кој тежи повеќе од двојно од сите останати планети од Сончевиот систем собрани заедно. Иако 99% од атмосферата на Сатурн е составена од водород и хелиум, дури и трагови од вода би значеле дека таму има повеќе вода отколку на целата Земја. Поради тоа е невозможно да се исклучи можноста за постоење на живот, макар и микроскопски.
Информациите собрани од сондата Juno укажуваат на тоа дека Јупитер има два јужни пола, еден на очекуваното место а другиот во близина на неговиот екватор. Вториот јужен пол го доби името „Голема сина пега“ (The Great Blue Spot), што секако, нема никаква врска со Големата црвена пега.