Во провинцијата Новара, во гратчето Небјуно, баба Ана со години сама води кафуле. Вели дека има сѐ - здравје и работа што ја сака.
И тука не би имало ништо чудно доколку баба Ана немаше точно 100 години!
И покрај нејзината возраст, таа е полна со енергија и со радост ги пречекува сите муштерии кои нарачуваат еспресо.
Во слободно време таа плете ракавици, шалови и капи. Небјуно се наоѓа во подножјето на Алпите, на 430 метри надморска височина, па таму најчесто времето е ладно.
Баба Ана ја прославија на социјалните мрежи, но неа не ѝ се допаѓа да биде ѕвезда. „Не ми се допаѓаат ѕвезди, јас сум само Ана“.
„Денот ми е исполнет. Ги имам моите клиенти, собирам цвеќиња, цепам дрва. Имам, сѐ: имам здравје, работа што ми се допаѓа, живеам обичен живот. Ова не е кафуле, ова повеќе е место за средба“, раскажува баба Ана, на која често на шега ѝ целат дека сигурно ѝ ја згрешиле годината на раѓање бидејќи не е можно да има 100 години.
