Светот на суперавтомобилите никогаш немал побогата понуда, а „под лупа“ овојпат се ставени Mercedes AMG GT 63 S и Tesla Model 3 Performance.
Освен што имаат по четири тркала, четири врати, удобен простор за патници и багаж, одлично се изработени и имаат висок квалитет, овие два модела немаат други сличности.
Но, како што велат од Lovecars, да бидеме искрени, кога би ги имале и двата на стаза, нели ќе сакате да се тркаат?
На хартија, резултатот би требало да биде повеќе од јасен - AMG да излезе како победник – но, со оглед на лошите услови на патеката, шансите варираа.
AMG GT 63 S има 4.0-литарски твин турбо V8 мотор кој произведува 630 коњски сили и максимален вртежен момент од 900 Nm, додека од 0 до 100 км/ч забрзува за 3,2 секунди. Максималната брзина изнесува 315 км/ч.
Кога зборуваме за електричниот Model 3, се работи за премиум верзија со два мотора кои произведуваат 450 коњски сили и максимален вртежен момент од 640 Nm, до „стотка“ стигнува за 3,4 секунди, а максималната брзина му е 261 км/ч. Со едно полнење може да помине 560 километри.
На кого би се обложиле?
