Американските купувачи многу го ценат квалитетот и издржливоста, па пред да решат да купат нешто консултираат разни рецензии и извори како што е Consumer Reports. Новото истражување покажува што најмногу ценат американските купувачи кога се во прашање автомобилите.
На прво место на листата за автомобилски брендови од кои купувачите се најзадоволни се наоѓа Tesla Motors, а потоа следуваат Porsche и Audi. Електричните автомобили на Елон Маск повторно би ги купиле дури 91 процент од сегашните корисници, Porsche повторно би купиле 84 проценти од актуелните сопственици, а Audi би купиле 77 проценти од оние што сега го поседуваат овој автомобил.
Првите четири, кои останаа исти во однос на минатата година, ги комплетира Subaru со 76 проценти.
Во истражувањето се вклучени возачи на автомобили кои не се постари од три години, а одговор дале повеќе од 300.000 луѓе.
Меѓу најголемите губитници е BMW кој паднал од шестото на 14-тото место.
Најлош пласман има Fiat кој е последен на листата и само 53 проценти од актуелните сопственици повторно би купиле автомобил од истиот бренд.