„Дами и господа, врзете ги појасите.“ За некои патници оваа реченица е повеќе од доволна да ги фати паника.
Турбуленциите за време на лет не се пријатни за никого, а посебно не за оние кои се плашат од летање или имаат чувствителен желудник.
Меѓутоа, треба да знаете дека сите делови на авионот не се тресат исто.
„Најмалку тресење ќе почувствувате во средината на авионот“, објаснува професор Андреас Строхмаер од Универзитетот во Штутгарт. Авионот најмалку се тресе на местото каде крилата се спојуваат со трупот.
Исто така, патниците сместени во средината на авионот најмалку ги чувствуваат промените на правецот на леталото.
Спротивно на тоа, „најнемирен“ дел на авионот е опашката.
Кога пилотот управува со кормило, патниците во задниот дел на авионот може да се почувствуваат како нешто да ги влече зад седиштата, а при турбуленција како да ги турка.
Местата во опашката не се идеални ни при полетување.
„Кога авионот се подига, тие назад имаат впечаток како да пропаѓаат во лифт“, вели Строхмаер.
