Сите знаат колку се штетни цигарите. Сепак, иако се свесни за сериозните ризици по здравјето, пушачите тешко се одлучуваат да престанат. Освен што станува збор за сериозна зависност од која е многу тешко да се ослободите, многумина стравуваат дека по откажување на цигарите ќе се здебелат.
Она за што малку се размислува е дека со стажот зависноста од цигари се засилува. Искусните пушачи по правило пушат повеќе и бираат посилни цигари. Меѓутоа, како што уверуваат експертите, никогаш не е доцна да се откажете од цигарите, всушност со годините дури и е полесно да го направите тоа.
Дали сте забележале дека обично повозрасните луѓе одлучуваат да ги остават цигарите? Тоа не е случајност, тие не само што имаат повеќе мотивација туку со текот на годините им се појавуваат бројни и многу тешки симптоми, како што е губење на здивот, упорна кашлица, болести на срцето и слично.
Таквите негативни последици кои ги чувствуваат стануваат нивна предност во однос на младите пушачи кои не го почувствувале ова од лошата навика.
„Спротивно на мислењето, престанувањето со пушење во подоцнежна возраст воопшто не е тешко. Постарите пушачи со годините развиваат аверзија кон зависноста и колку подолго човек пуши, толку оваа лоша навика му изгледа помалку привлечна“, вели пулмологот Армин Пур од Њујорк.
Според него, постарите пушачи почесто чувствуваат умор, отежнато дишење и упорна кашлица. Исто така се изложени на поголем ризик од срцев удар и многу опасни болести.
„Во староста луѓето кои пушат имаат неколку пати поголеми шанси да умрат од мозочен удар и други хронични болести поврзани со пушење. Животниот век на пушачите е најмалку за 6 години пократок“, предупредува пуломологот.
На повозрасни години полесно е луѓето да се откажат од цигари бидејќи „зрелите“ пушачи се свесни колку ќе им се подобри квалитетот на живот и целокупното здравје.
