Биолошкиот часовник и неговото отчукување силно влијае на желбата за секс кај жените. Истражувачи од Тексас проверија колку е сексуалната желба поврзана со годините, пишува Your Tango.
Во триесеттите години жените често можат да го чујат тој часовник, токму тој ги тера да „ги искористат преостанатите години за раѓање“ и така во одреден период во животот им се зголемува либидото.
Во истражување објавено во Personality and Individual Differences учествувале 827 жени поделени на три групи: висока плодност (на возраст од 18 до 26 години), ниска плодност (на возраст од 27 до 45 години) и менопауза (од 46 години и повеќе).
Според одговорите на учесниците во интернет прашалник, истражувачите откриле дека жените на возраст од 27 до 45 години поседуваат „засилен сексуален нагон како одговор на намалување на плодноста“. Овие жени имаат „почесто сексуални фантазии, активен сексуален живот и спремни се за повремен секс“.
„Нашите откритија сугерираат дека жените не мора нужно да „полудат“ за бебе за да доживеат сексуален врв. Нашите резултати покажаа дека нема ништо посебно во триесеттите, но дека тие однесувања се покажуваат кај сите жени кои доживуваат пад на плодноста. Можеби е потешко да забремените по 35 година од животот, но истражувањево покажа дека жените можат да бидат мотивирани до менопауза“, објаснува научничката Џудит Истон.
