Кошаркарите на Денвер Нагетс како гости ја победија Минесота Тимбервулфс со 115:107 и израмнија на 2:2 во партии.
Актуелните шампиони на тој начин го вратија двојниот брејк заостанување, а повторно беа предводени од феноменалниот Никола Јокиќ со 35 поени и по 7 скока и асистенции, од кои 16 во последната четвртина.
Му помогна Арон Гордон кој постигна 27 поени со феноменален 11/12 шут, додека Џамал Мареј во третата четвртина постигна 12 од своите 19 поени.
Ентони Едвардс постигна 44 поени во уште еден спектакуларен настап за Минесота, но Тимбервулфс загубија вторпат по ред дома и со тоа ја загубија и предноста на домашен терен.
Серијата сега се враќа во Денвер, а петтиот натпревар е закажан за среда рано наутро во 4:30 часот по македонско време. Преносот ќе биде на Arena Premium 1.
Тајрис Халибртон постигна 20 поени, ТиЏеј МекКонел додаде 15 поени и 10 асистенции, а Индијана Пејсерс на свој паркет го надигра Њујорк Никс со 121:89 и израмни на 2:2 во полуфиналната серија на Источната конференција.
Халибртон имаше и 6 скока, 5 асистенции и 4 тројки, а Пејсерс во еден момент имаа 43 поени предност и ја постигнаа една од најлесните победи досега во плеј-офот.
Никс имаа тројца играчи со двоцифрен резултат. Алек Буркс заврши со 20, Џејлен Брансон постигна 18, а Дус МекБрајд 16 поени.
Петтиот натпревар меѓу Њујорк и Индијана се игра во „Медисон Сквер Гарден“ во среда ноќта во 2 часот по македонско време. Преносот ќе биде на Arena Premium 1.
