Конор Мекгрегор се соочува со сериозни проблеми. Против MMA борачот е покренато обвинение за напад на постар човек. Инцидентот се случил пред околу два месеци, а видео од инцидентот се појави на социјалните мрежи и предизвикаа вистинска бура од реакции.
Сега Мекгрегор ќе треба да се појави на суд на 11 октомври, а во најлош случај може да помине во затвор 6 месеци и да плати казна од 1.500 евра, што е максимална можна казна за вакво дело.
На видеото се гледа како Мекгрегор се обидува да го натера лицето кое седи до него да пие виски од неговиот бренд. Мажот одбива и веднаш добива удар по главата, луѓето во локалот се видно шокирани од тоа што се случува.
Конор се обидел да ја среди ситуацијата со извинување, но тешко дека ќе помине само со тоа.
„Навистина не е важно што се случило. Едноставно згрешив“, изјави тогаш Ирецот.
Сепак, ова не е прв хулигански чин од страна на Мекгрегор, кој неколку пати бил вмешан во скандали и бил на суд за физички пресметки. Па така овој пат можеби и нема да се спаси од неколку месеци зад решетки.
