Победникот на последното издание на Евровизија Салвадор Собрал заздравува во болница, после извршената операција трансплантација на срце.
Собрал истакна дека операцијата била изведена во Санта Круз болницата во Лисабон и дека поминала добро, а тоа го потврди и хирургот Мигел Абесасис кој го оперирал.
„Салвадор беше добро примен. Тој е млад човек кој ги разбира потешкотиите на оваа процедура“, изјави докторот.
Тој додаде и дека на победникот на Евровизија непосредно пред операцијата му посакал многу среќа.
Заздравувањето ќе трае долго, но ако се помине во најдобар ред, Собрал ќе може да води сосема нормален живот.
Пејачот чекаше неколку месеци додека не се појави донатор. Во септември објави дека се повлекува од јавноста и од својата работа.
Светските медиуми порано пишуваа дека на Салвадор му е неопходно срце најдоцна до крајот на оваа гдоина.
Песната со која и се претстави на евровизиската публика, со која и ја донесе првата победа на Португалија, ја напишала неговата сестра Луиса.