Автомобилот BMW 750Li во кој на 7 септември 1996 година беше убиен легендарниот рапер Тупак се продава за неверојатни 1,75 милиони долари. На влезната врата од возилото е видливо местото погодено од куршум.
Тоа ќе служи како потсетник на настанот во овој автомобил. Нападот врз Тупак Шакур се случи во Лас Вегас, кратко по боксерскиот меч на Брус Селдон против Мајк Тајсон.
Додека автомобилот стоеше на семафор, од десната страна му пријде бел Cadillac од кој убиецот испука неколку куршуми кон совозачот. Тупак беше погоден во градите, раката и бутовите. Од последиците почина шест дена подоцна, на 25-годишна возраст.
До денес не е разјаснето кој го нарача убиството и кој пукаше во него.
Автомобилот имаше неколку сопственици по убиството, а последниот во целост го обнови. На новиот сопственик ќе му биде оставена и документација која ја покажува историјата на автомобилот.