Скопје, 16 декември 2019 (МИА) – Најстудено утрово е во Тетово, Битола и Берово, -3 степени, а максимални 8 се измерени во Дојран.
Температурата изнесува -1°C во Крива Паланка и Куманово, 0 во Скопје, Прилеп, Штип, Струмица и Дебар, 1 во Лазарополе, Охрид, Демир Капија и Гевгелија, 2 во Маврово и Претор, како и 4 степени во Виница и Крушево.
Како што информира УХМР, до 7 часот висината на снежната покривка изнесува 15 сантиметри на Попова Шапка и 2 во Маврови Анови.
Времето денеска ќе биде сончево со мала до умерена локална облачност. Претпладне по одделни котлини ќе се задржи магливо и постудено.
Максималната температура ќе биде во интервал од 8 до 16 степени.
Во Скопје ќе биде сончево со мала до умерена облачност и максимална температура до девет степени.
