Македонската репрезентативна единица ќе сака што поскоро да го заборави синоќешниот ден во кој освен што прими три гола и загуби, едниот беше крајно понижувачки.
Столе Димитриевски втора сезона по ред го чува голот на Раја Ваљекано, тим кој сезонава се натпреварува во Сегунда откако лани испадна од Примера. Грчевито се бори за едно од местата кои водат во баражот за пласман во елитата, но синоќа загуби со 3:2 од директниот конкурент Алмерија.
Натпреварот почна лошо за Рајо и нашиот Столе. Во 9. минута слободен удар за домашните од 35 метри, Хосе Карлос Ласо упати прецизен удар, ниту многу силен, ниту горе, но сепак заврши во мрежата на македонскиот голман за 1:0.
Во принцип, Димитриевски е одличен голман, но понекогаш е склон на примање голови кои би можеле да се одбранат. Во перезентацијата последен пат имаше лош ден во ноември 2018 кога на гостувањето кај Ерменија им подари два гола на домашните.
Неговата реакција за овој гол беше предмет на интернет тролање од страна на навивачите на клубот, незадоволни поради примениот гол од толкава далечина. Веројатно заборавија дека во досегашниот дел од сезонaта бранеше одлично.
Во Сегунда, првите две обезбедуваaт директен пласман во елитата, додека клубовите од второ до 6. место одат во бараж. На две кола до крајот Столе и Рајо со 56 бодови се осми со два бода помалку од последното место кое води во разигрувањето.