На Волстрит владее претпазливост, индексите стагнираат

Берзанските индекси на Волстрит останаа речиси непроменети и втор квартал по ред се на патеката на загуби бидејќи инвеститорите се многу внимателни, со оглед на тоа што економскиот раст забавува, а се очекуваат натамошни зголемувања на каматите.

Dow Jones зајакна 82 поени, или 0,27 отсто, на 31.029 поени, додека S&P 500 се лизна за 0,07 отсто на 3.818 поени, а индексот Nasdaq 0,03 отсто на 11.177 поени.

Во пет од 11-те најважни сектори на индексот S&P 500 вчера паднаа цените на акциите, а најмногу во енергетскиот сектор, како резултат на падот на цената на нафтата. Најмногу порасна здравствениот сектор.

Инвеститорите се претпазливи бидејќи вчера пристигнаа пораки од Федералните резерви на САД дека каматните стапки дополнително ќе бидат нагло зголемени во јули со цел да се ограничи инфлацијата, која се движи на највисоки нивоа повеќе од 40 години.

„Нема да има рецесија“

Лидерите на ФЕД исто така велат дека економијата е доволно силна за да го издржи растот на каматните стапки и дека нема да има рецесија.

Но, инвеститорите не се сигурни во тоа, бидејќи ревидираните податоци објавени вчера покажаа дека бруто домашниот производ (БДП) падна малку повеќе во првиот квартал отколку што покажа првата проценка.

Притоа, личната потрошувачка, која сочинува околу 70 отсто од БДП, придонесе помалку од првично објавеното.

А тоа значи дека инфлацијата влијаела на потрошувачката и дека потрошувачката може да ослабне во иднина, со оглед на порастот на каматните стапки.

Зголемените каматни стапки на ФЕД и забавувањето на економскиот раст се главните причини за падот на индексот S&P 500 од почетокот на годината за околу 20 отсто.

Останува само еден ден до крајот на вториот квартал, а сите три најважни индекси втор квартал по ред се на пат кон загуби, кои не се забележани од 2015 година.

Во исто време, индексот S&P 500 е на патот на најголемата загуба во првата половина од годината од 1970 година.

„Централната банка мораше да отстапи од лабавата монетарна политика, која ја водеше десет години и да започне циклус на затегнување. За многу инвеститори ова е нешто сосема ново. Заземаме нови позиции, бидејќи очекуваме сосема поинаква средина во однос на каматните стапки во иднина“, вели Меган Хорнеман, извршен директор во Verdence Capital Advisors.

И на европските берзи цените на акциите вчера паднаа. Лондонски FTSE индекс се намали за 0,15 отсто, на 7.312 поени, додека франкфуртски DAX се лизна за 1,73 отсто, на 13.003 поени, а париски CAC 0,90 отсто, на 6.031 поен.

Тагови
реклама

Грците бесни на бојата на новите кошаркари: Ова не е наша репрезентација

Read more

Короната има нов симптом - заразените не се ни свесни дека е од вирусот

Read more

Ален Исламовиќ не се вика Ален, си го сменил името за подобра кариера

Read more

Роналдо додаде причини за заминување од Јунајтед

Read more

Бизнис

Цените на нафтата паднаа на најниско ниво од февруари

Read more

УЈП: Корисниците на МојДДВ може да се вратат на напредниот скенер

Read more

Волстрит: Nasdaq на највисоко ниво во последните три месеци

Read more

Пад на пазарот на смартфони во Европа

Read more
 

Вести

Локализиран пожарот кај Дојран и Богданци

Читај повеќе

Предпремиера на Мakedonissimo на пијанистот Трпчески во струшкото село Збажди

Читај повеќе

Петличковски: Засега нема потреба од нови рестриктивни мерки, треба да се подготвувaме за есента

Читај повеќе

На Табановце и на Богородица се чека до еден час

Читај повеќе

Почина еден од стожерите на Катедрата за италијански јазик, проф. Љиљана Узуновиќ

Читај повеќе

Лондонски музеј ќе ѝ врати на Нигерија 72 артефакта украдени во XIX век

Читај повеќе

Прогресивното одданочување останува отворено прашање, од данокот на добивка и на личен доход ќе се соберат 54 милиони евра

Читај повеќе

Фестивалот Браќа Манаки ќе се отвори со филмот „Божјата рака“ на 19 август

Читај повеќе

Потпишан указ за референдум за обединување на регионот Запорожје со Русија

Читај повеќе