Во Западната конференција на НБА лигата, би рекле, ништо ново. Никола Јокиќ забележа трипл-дабл, а Лука Дончиќ дабл-дабл во новите победи на Денвер Нагетс и Далас Маверикс.
Возбудувањата во најдобрата лига во светот се вратија по еднодневната пауза поради американските претседателски избори.
Денвер ја совлада Оклахома Сити Тандер со 124:122, иако во третата четвртина имаше негатива од 16 поени, благодарение на феноменалната партија на Јокиќ.
Одличниот српски центар оствари трипл-дабл, а мечот го заврши со 23 поени, 20 скока и 16 асистенции.
Одличен беше и Расел Вестбрук со 29 поени, 6 скока и 6 асистенции, а уште двајца играчи на Нагетс постигнаа повеќе од 20 поени - Крисчн Браун и Мајкл Портер, двајцата по 24.
Како Јокиќ, и Дончиќ го предводеше својот тим до победа, а Словенецот забележа дабл-дабл.
Дончиќ во победата на Далас над Чикаго Булс од 119:99 забележа 27 поени, 7 скока и 13 асистенции.
Кај Чикаго најдобар беше Никола Вучевиќ со 14 поени и 10 скока.
Резултати:
Феникс Санс - Мајами Хит 115:112
Шарлот Хорнетс - Детроит Пистонс 108:107
Индијана Пејсерс - Орландо Меџик 118:111
Атланта Хокс - Њујорк Никс 121:116
Бостон Селтикс - Голден Стејт Вориорс 112:118
Хјустон Рокитс - Сан Антонио Спарс 127:100
Мемфис Гризлис - Лос Анџелес Лејкерс 131:114
Њу Орлеанс Пеликанс - Кливленд Кавалирс 122:131
Лос Анџелес Клиперс - Филаделфија 76ерс 110:98
Сакраменто Кингс - Торонто Репторс 122:107
Табела:
