Корпи со храна коишто висат од терасите во Милано станаа заштитен знак на градот. Во нив има храна којашто не се расипува, средства за лична хигиена, чоколадо или којшто има по дома а не му е потребно.
Овие корпи со храна се за оние коишто немаат пари или не смеат да излезат до продавница.
Во Милано оваа иницијатива ја покренаа група од дваесеттина жени кои живеат во преградие на Ломбардија, која е меѓу најзагрозените области поради новиот коронавирус.
Нив ги инспирираа жителите на Наполи кои на 2 април направија 16 големи корпи и ги спуштија со јаже од зградите за да може секој да се послужи. Сè е анонимно, и кој дава, и кој зема.
На корпата е закачен знак кој е преведен на 9 различни јазици на кој пишува „Секој кој сака нека стави нешто, а на кому му треба нешто нека земе“.
Во Наполи овие корпи ги нарекуваат „корпи на солидарноста“, а во Милано „висечки корпи“(ceste sospese).
