Шпанскиот репрезентативец и дете на Реал, 34-годишниот Начо Фернандес, во јули годинава го напушти Мадрид и се преселија во Саудиска Арабија, поточно во клубот Ал Кадисија.
Начо стана член на Реал Мадрид кога имаше 11 години, а си замина на 34 години.
Во интервју за Cope, Начо зборуваше за актуелни теми и се осврна на Златната топка.
„Без сомнение, Вини Жуниор требаше да ја освои Златната топка. Го почитувам Родри, му испратив порака и многу сум среќен поради него. Секако, се конкурираа и Карвахал, Белингам... Во секој случај, за мене лично Вини Жуниор е најдобар во светот“.
Реал Мадрид сезонава има големи проблеми со повреди – Куртоа, Милитао, Алаба, Карвахал, Васкес, Чоамени, Родриго...
„Никој од Реал не ми се јавил. Но, и да ми се јават, не се враќам. Мојата одлука е јасна, не беше прашање дали ќе играм или не. Моето поглавје во Реал заврши. Многу сум среќен во Саудиска Арабија, фокусиран сум на мојот нов тим“.
Начо им сугерира на „Кралевите“ како да ги решат овие проблеми со повредите.
„Би сакал Реал да не купува никого поради сите масовни повреди, туку да се сврти кон играчите од нивната академија. Децата на Реал треба да добијат шанса, а сега е идеалната можност за тоа“.
Кој ќе ја освои Ла Лига оваа сезона?
„Барселона игра одличен фудбал, борбата за шампионската титула ќе биде исклучително возбудлива. Но, јас би се обложил со моите пари дека Реал ќе биде шампион“.
Начо има и 29 настапи за Шпанија, а беше дел од последното ЕУРО на кое стана шампион. Оттогаш нема повик, а официјално не ја завршил репрезентативната кариера.
