Бројот на жители кои имаат над 100 години во Јапонија надмина 80.000 луѓе, според официјалните податоци на јапонското Министерство на здравје, труд и благосостојба.
Поточно, во Јапонија во моментот живеат 80.450 лица повозрасни од 100 години – 9.176 луѓе повеќе од лани. Забележително е што 88 отсто – или вкупно 70.975 од нив се жени.
Највозрасната Јапонка има 117 години и живее во префектурата Фукуока. Највозрасниот маж пак, има 110 години и живее во префектурата Нара.
Во земјата лани, оваа бројка првпат надмина 70.000 лица. Стручни претпоставки говорат дека до 2053 година вкупното население на Јапонија, коешто сега изнесува околу 127 милиони луѓе, ќе се редуцира до 100 милиони, а до 2065. – до 88 милиони. Околу 38 насто од нив ќе бидат на возраст од над 60 години.