Освојувачот на 19 Грен слем титули Рафаел Надал ја коментираше својата одлука да не ја брани својата титула на УС Опен.
Шпанскиот тенисер потврди претходно овојмесец дека нема да игра во Њујорк поради ситуацијата со коронавирусот.
– Јас не сум оној кој може да суди дали оваа одлука е паметна или не. Јас го почитувам сработеното и позитивниот став на АТП и УСТА, кои се обидуваат да го вратат тенисот. Ја почитувам и позицијата на тенисерите кои решија да играат во САД. На пример, ситуацијата може да биде различна за секого и тие сакаат да заработат пари. Јас ги почитувам сите одлуки, но сега е тешко да се каже како да се постапи тоа правилно, вели Надал.