Надал ја заврши кариерата: Се збогува и на кирилица

Шпанскиот тенисер Рафаел Надал соопшти дека се повлекува од професионалното играње тенис.

Надал му се заблагодари на целиот свет на повеќе јазици, употребувајќи и поздрав на кирилично писмо.

„Поздрав до сите. Овде сум да ве информирам дека ставам крај на мојата професионална кариера. Реалноста е дека имав тешки години зад мене, особено последните две.

Мислам дека не би можел да играм без ограничувања. Ова е секако тешка одлука, за која ми требаше малку време да ја донесам. Но, сè во животот има почеток и крај и мислам дека ова е вистинско време да се стави крај на кариерата која беше долга и многу поуспешна отколку што можев да замислам.

Многу сум возбуден што мојот последен турнир ќе биде финалето на Дејвис купот каде ќе ја претставувам мојата земја. Мислам дека го свртев целиот круг, бидејќи еден од првите успеси во кариерата беше играњето во финалето на Дејвис купот во Севиља во 2004 година.

Се чувствувам многу, многу среќен поради сите работи што ги доживеав. Сакам да се заблагодарам на целата тениска индустрија. На сите кои се дел од овој спорт, на сите мои колеги, особено на моите најголеми ривали. Поминав многу часови со нив и доживеав многу моменти кои ќе ги паметам до крајот на мојот живот“, изјави Шпанецот.

Легендарниот тенисер реши да стави крај на својата тениска кариера која изобилуваше со одлични резултати, што го вбројува меѓу најдобрите тенисери на сите времиња.

Во текот на кариерата Надал освои 22 грен слем титули, од кои 14 ги освои на Ролан Гарос, поради што во текот на целата кариера го доби прекарот „Кралот на земјен терен“.

Освен во Париз, Надал има освоено уште четири пати на УС Опен, а двапати на Австралија опен како и на Вимблдон.

Шпанецот своите најголеми битки ги водеше со Новак Ѓоковиќ (60 дуели со Рафола, против кого одигра најмногу гренд слем финалиња во кариерата, но често споменуваше дека Роџер Федерер сепак му е најголемиот противник (40 меча).

Неговите натпревари против Новак и Роџер ќе се паметат уште многу години, па јавноста со право ги нарече „големата тројка“.

Дури 92 пати играл разни купови за освојување на разни турнири, што е петто во Опен ерата.

Надал својот најдобар тенис го играше во 2008 година, кога на 1 август стана тенисер број еден во светот.

Успешен беше и кога играше во шпанската репрезентација, бидејќи во 2008 година освои златен медал на Олимписките игри во Пекинг, додека беше одликуван со златен медал во конкуренција на двојки на Игрите во Рио де Жанеиро.

Тој беше четирикратен победник на Дејвис купот со Шпанија. Последниот турнир во кариерата ќе го одигра во репрезентативниот дрес, кон средината на ноември.