Надал: Не би играл на УС Опен

Шпанскиот тенисер Рафаел Надал изјави дека нема да игра ако тој во овој момент треба да одлучи за неговото учество на УС Опен во Њујорк.

Надал тренира во Шпанија, и ако не избиеше пандемијата, Ролан Гарос ќе се играше во овој момент и тој ќе се обидеше да го освои рекордниот 13. трофеј на овој турнир, 20-тиот Грен слем турнир во неговата кариера вкупно.

Тој рече дека за да се одржи УС Опен, како и другите тениски турнири, мора да се исполнат два услови, за секој да се увери дека ќе бидат заштитени од вирусот и дека секој може слободно да патува низ целиот свет.

– Ако ме прашате денес, ќе кажам дека не би играл. За неколку месеци? Не знам. Се надевам. Да. Но, сепак ќе мора да почекаме да добиеме јасни информации за тоа како ќе се развие вирусот и каква ќе биде ситуацијата во Њујорк за неколку месеци. Њујорк е едно од местата кои се најпогодени од вирусот, одговори Надал за време на видео конференцијата за Associated Press.

Тениските натпревари беа прекинати во март поради пандемијата. ВTA и ATП ги прекинаа натпреварите до крајот на јули најрано. Ролан Гарос е преместен и ќе се одржи во септември наместо во мај, додека Вимблдон беше откажан за првпат по 75 години.

– Не можеме да се вратиме сè додека здравствената состојба не биде целосно безбедна, но исто така и сите играчи од секоја земја да можат да патуваат на турнири и да се натпреваруваат под безбедни услови, додаде Надал.

Одлуката за УС Опен ќе биде донесена за неколку недели, а натпреварувањето треба да започне на 31 август во Њујорк.

– Јас навистина верувам дека мора да бидеме трпеливи, да бидеме одговорни. Мора да бидеме смирени и да ги правиме работите на вистински начин, рече Надал, кој наполни 34 години во средата.

Тој рече дека не допрел рекет повеќе од два месеци, пред неодамна да започне со лесен тренинг.

– Пристапувам многу бавно, чекор по чекор, не играм секој ден и не тренирам многу, додаде Надал.

На прашањето за Ролан Гарос, Надал рече дека тој не е ниту оптимист, ниту песимист за одржување на турнирот.

– Ми недостасува да играм тенис. Ми недостасува да играм на турнирот што најмногу го сакам. Но, во исто време, не размислувам за тоа. Јас сум фокусиран на обидот да го вратам животот во нормала. Првата работа што треба да ја направиме е да се вратиме во нормала, рече Надал.

Тагови
реклама

Тешки последици кои пациентите со COVID-19 ги чувствуваат месеци по оздравувањето

Read more

Охрабрувачки бројки на заразени од COVID-19 по „црната рекордна недела“

Read more

Што се случува кога по втор пат ќе се заразиме со коронавирусот?

Read more

Наја Ривера официјално прогласена за мртва, се исклучува можноста за убиство или самоубиство

Read more

Тенис

АТП со важна промена во системот за рангирање

Read more

Ролан Гарос ќе прима по 20.000 гледачи на ден

Read more

Новак Ѓоковиќ повеќе нема коронавирус

Read more

Зверев наместо во изолација снимен како се забавува во Монте Карло

Read more

Спорт

Мурињо: Скандалозна одлука за укинување на суспензијата на Сити

Читај повеќе

Пирло седнува на клупата на вториот тим на Јуве

Читај повеќе

Пиоли го брани Ибра: Тој е победник, нормално е да реагира така

Читај повеќе

Со титула или без, Кике Сетјен останува во Барса

Читај повеќе

На Столе не му беше денот, прими гол од 35 метри

Читај повеќе
  • play_arrow

Солскјер за голот во 90+6: И ние сме победувале така, таков е фудбалот

Читај повеќе
  • filter

На Гарет Бејл навистина му е досадно во Реал

Читај повеќе

Хјустон, имаме проблем: По Вестбрук, и Харден заразен со COVID-19

Читај повеќе
  • play_arrow

Интер се искачи на второто место во Серија А

Читај повеќе