Шпанскиот тениски ас нема намера да тргне по стапките на Роџер Федерер.
Шпанскиот тенисер Рафаел Надал изјави дека сѐ уште нема намера да се пензионира, пренесуваат шпанските медиуми.
Надал во Мадрид го прими признанието за досегашната кариера, а наградата му ја врачи лично кралот Фелипе IV.
„Се надевам дека оваа награда не ми е дадена мислејќи дека мојата кариера е готова. Далеку од тоа, немам таква намера“, изјави 36-годишниот Надал.
Шпанскиот тенисер сезонава имаше доста проблеми со повредите, но успеа да ги освои Австралија опен и Ролан Гарос. Поради повреда мораше да го предаде натпреварот од полуфиналето на Вимблдон против Ник Кирјос, додека во осминафиналето на УС опен беше елиминиран од Френсис Тијафо.
„Беше ова поинаква и комплицирана година. Освен повредите, тука беа и некои лични дешавки“, рече Надал кој моментално е трет на АТП листата.
Шпанскиот тенисер викендов во Лондон ќе игра за Тим Европа на Лејвер купот.