Славниот тенисер Рафаел Надал објави дека се откажа од настапите на Вимблдон и на Олимписките игри во Токио, додавајќи дека одлуката ја донел со цел малку да одмори пред да ја продолжи кариерата.
Додава дека му е потребно време за да се одмори по одиграните турнири.
„Одлучив да не учествувам на Вимблдон и на Олимписките игри во Токио“, напиша 35-годишниот Надал на Twitter.
„Никогаш не е лесно да се донесе таква одлука, но откако разговарав со мојот тим сфатив дека тоа е правилна одлука“, смета тенисерот.
Надал одигра турнири во Монте Карло, Барселона, Мадрид и Рим пред Ролан Гарос каде стигна до полуфиналето, но беше елиминиран од Новак Ѓоковиќ.
„Тоа беа два напорни месеци, а одлуката што ја донесов е фокусирана на среден и подолг рок“, додаде Шпанецот.
Надал има две златни медали од олимписки игра, една освоена во Пекинг во 2008 година и една во парови во Рио де Жанеиро, 2016 година.
