Се одиграа првите два меча во машка конкуренција на Австралија опен, а Рафаел Надал го продолжи походот кон 21. Грен слем титула со победата од 3:0 над Адриан Манарино (69. АТП) со резултат 3:0, 7:6, 6:2 и 6:2.
Како што напредува турнирот, Надал игра сѐ подобро и подобро и станува еден од главните кандидати за титулата со која може да се испише тениската историја.
Денеска имаше проблеми против Манарино само во првиот сет што беше неверојатно. Откако тенисерите го однесоа сетот во тај-брејк со сигурни сервиси, двајцата имаа по неколку сет-топки, но само со резултат 16:14 Надал успеа да поведе во мечот.
После тоа, искусниот Французин веќе не можеше да пружи пристоен отпор, а Надал двапати славеше нова победа со 6:2.
Веста која го израдува Новак Ѓоковиќ стигна и од арената „Маргарет Корт“, каде Денис Шаповалов направи сензација и го совлада Александер Зверев со резултат 3:0, по сетови 6:3, 7:6 и 6:3.
Третиот тенисер во светот имаше можност да го престигне Новак Ѓоковиќ на врвот на АТП листата во случај да го освои Австралија опен, но ништо од тоа нема да се случи по денешниот пораз од Канаѓанецот во три сета.
До крајот на турнирот Ѓоковиќ се уште навива против Даниил Медведев, кој може да го престигне на врвот на АТП листата во случај да ја освои титулата.
Во женскиот дел од жрепката видовме три натпревари и исто толку изненадувања. Испаднаа носителите Паула Бадос и Мариа Сакари, а од турнирот се прости славната Викторија Азаренка.
Австралија опен, мажи:
Надал - Манарино 3:0
Шаповалов - Зверев 3:0
Австралија опен, жени:
Киз - Бадоса 2:0
Крејчикова - Азаренка 2:0
Пегула - Сакари 2:0