„Schitt's Creek“ е прва хумористична серија што доминирала на доделувањето на наградите Еми.
Без гламур, црвен тепих и дружби на славните личности на едно место, синоќа по 72 пат беа доделени наградите Еми, за првпат виртуелно.
Комичарот Џими Кимел ја водеше свеченоста од празен театар во Лос Анџелес, додека добитниците ѝ се обраќаа на публиката онлајн, од дома, во пижами.
Гледачите исто така повторно ја видоа заедно женската постава на популарната серија „Friends“:
Синоќа беа срушени неколку рекорди во историјата на влијателните награди. Серијата „Schitt's Creek“ е прва хумористична серија што ги собрала сите големи награди во категоријата хумористични серии, а „Watchmen“ од продукцијата на HBO е прва адаптација на стрип што добила една од главните награди.
За потсетување, „Watchmen“ имаше неверојатни 26 номинации, а „Schitt's Creek“ е канадска серија која стана многу популарна откако беше потпишан договор со Netflix за емитување на последната, шеста сезона на серијата.
Зендаја стана најмладата актерка која освоила Еми за главна женска улога во драма, како и прва Афроамериканка која освоила Еми награда од 2015 година наваму.
Вака изгледа листата на добитници на наградите Еми 2020:
Најдобра комична серија - Schitt's Creek
Најдобра драмска серија Succession
Најдобра лимитирана серија Watchmen
Најдобра актерка во драмска серија – Зендаја во Euphoria
Најдобар актер во драмска серија – Џереми Стронг во Succession
Најдобар актер во комична серија – Јуџин Леви во Schitt's Creek
Најдобра актерка во комична серија – Кетрин О’Хара во Schitt’s Creek
Најдобар главен актер во лимитирана серија – Марк Рафало во I Know This Much Is True
Најдобра актерка во лимитирана серија – Реџина Кинг во Watchmen.
