Во моментов се одржува прес-конференција на претседателката на Инспекцискиот совет, Магдалена Филиповска-Грашковска, заедно со Стојко Пауновски, директор на Државен пазарен инспекторат, Иринка Сотирова Бухова - директорка на Државен санитарен и здравствен инспекторат, Висар Риза, директорка на Агенцијата за лекови и медицински средства, Аљазин Хавзиу, директор на Државен инспекторат за труд, Руфат Хусеини, директор на Државен инспекторат за транспорт и Зоран Атанасов, директор на Агенцијата за храна и ветеринарство.
Претседателката на Инспекцискиот совет Магдалена Филиповска Грашкоска рече дека изминатите два месеци сите инспекциски служби даваа максмални напори за спроведување на сите мерки што ги воведе Владата.
По изработениот и усвоен протокол за работа на угостителските објекти, тие од денеска смеат да работат.
Се најавуваат тимови на инспектори кои ќе вршат координиран надзор во угостителските објекти, но и ќе ги информираат угостителите за содржината и начин на спроведување на протоколот.
Инспекторите на ДПИ, Инспекторатот за труд и АХВ ќе бидат засилени со инспектори на УЈП.
На почеток, првите десетина дена, посетите на инспекторите ќе бидат информативни и едукативни, но доколку се забележи дека не се почитуваат протоколите, ќе следуваат и казни.
Угостителите ќе треба да проверуваат лични карти и да ги спроведуваат протоколите, а ако има прекршување да пријават на инспекторите.