Најбогатиот фудбалер во светот не е повеќе невработен. 22-годишниот Фаик Болкија, син на брунејскиот принц Џефри Болкија, конечно пронајде нов клуб откако беше отпуштен од Лестер без одигран натпревар.
Капитенот на репрезентацијата на Брунеи сега ќе замине во Португалија, во прволигашкиот Маритимо. Болкија потпиша договор и се надева дека во овој клуб конечно ќе има деби во професионалниот фудбал.
Иако имаше професионален договор со Лестер, тој никогаш не заигра. Неговото семејство е многу богато, се проценува дека „тежи“ 20 милијарди долари, но тоа не му помогна многу во фудбалската кариера.
