Сениса Естрада синоќа влезе во историјата на спортот со најбрзиот нокаут досега во женскиот бокс.
Оваа 28-годишна Американка ја совлада Миранда Адкинс за само седум секунди.
Веднаш откако се огласи ѕвончето за старт, Естрада ја нападна противничката и упати еден, два, три удари, а потоа ја испрати нејзината противкандидатка на земја со уште четири директи во главата, пред таа да сфати што ја снајде и да изгуби свест.
Естрада е привремен шампион според ВБА-верзијата во категоријата „мува“ и ВБЦ (сребрена) верзија во јуниорска „мува“ и ова беше нејзината 19-та победа од ист број натпревари.
Адкинс го доживеа својот прв пораз во шестата борба во кариерата.
Обожавателите на овој спорт беа импресионирани од рекордот, но и загрижени за Адкинс, при што некои коментираа дека овој меч не требало воопшто да се одржи бидејќи естрада, позната по прекарот „Суперлоша“ е далеку посупериорна боксерка од Адкинс.
