Долгото чекање во ресторан може да биде бескрајно досадно, па за многумина брзината на услугата е важен фактор кога бираат место за јадење.
Еден ресторан уште од 1996 година држи Гинисов рекорд за најбрзо сервирање храна во светот. Станува збор за мексиканскиот ресторан за брза храна Karne Garibaldi во Гвадалахара каде трката со времето е начин на живот.
Иако кај секој гостин во овој ресторан брзината е приоритет секој ден, рекордот е соборен во август, 2016 година со 13,5 секунди од моментот кога посетителот нарачал до послужувањето на храната.
Иако Karne Garibaldi моментално има пет ресторани, оној во Гвадалахара е прв. Основан е во 1970 година и првин имал само четири маси. Моментално некои од нивните ресторани имаат повеќе од 100 маси, но не ја губат ефикасноста.
Заслугата за брзата услуга најмногу им припаѓа на вработените. Овој ресторан има добро опремен тим со таблети, слушалки и микрофони кои совршено се синхронизирани во секој момент. Брзо се движат и способни се да пренесат 8 или 9 јадења одеднаш.
Иако се работи за типичен мексикански ресторан каде не може да се пропушат најкласичните јадења, специјалитет на куќата е месо во чорба зачинета со различни зачини.
Традиционалните мексикански јадења кои се служат овде бараат бавно готвење, па во суштина тие се веќе готови, однапред подготвени и само треба да се послужат.
