Не треба да се нагласува колку на многумина им е важно фармерките да траат што подолго, бидејќи совршени не е лесно да се најдат.
Џебовите се наменети за ситници, како што се марамчиња или пари. Но, многу луѓе ги заменуваат со чанти и ставаат секакви работи во нив - мобилни телефони, клучеви, кармин, цигари, запалки...
На овој начин, освен што ќе ја изгубат формата, џебовите на некои места толку ќе се истрошат што ќе се појават дупки кои ќе стануваат сѐ поголеми и поголеми.
Колку повеќе ги перете фармерките, толку повеќе тие избледуваат и материјалот станува потенок и затоа е склон кон кинење, особено на деловите кои се под одреден напор - на пример на колената или задникот.
Најдобро е да ги перете на секои две до три недели, се разбира доколку не се видно валкани. Што се однесува до мирисот, освежете ги така што ќе ги ставите во замрзнувач неколку часа.
Многу луѓе ги вријат, што не е добро за нивната долговечност. Високата температура ја уништува структурата на влакната, па фармерките стануваат посклони на пукање и ја менуваат својата форма.
Доколку сакате долго време да изгледаат како нови, измијте ги на пониска температура, а циклусот на центрифугирање нека биде побавен. Користете детергент за обоени ткаенини. Идеално би било да ги испирете на рака.
Воздржете се од ставање фармерки во машина за сушење или на директна сончева светлина во потоплите денови. Високата температура ќе ги уништи и структурата на материјалот и бојата. Наместо тоа, исушете ги полека на собна температура. Исто така, штипките ставете ги на ременот, никогаш на ногавиците.
Ова е голема грешка, бидејќи на местата каде триете, покрај дамката, ќе исчезне и бојата. Наместо тоа, отстранете ги дамките нежно - со посебен производ или домашна смеса. На пример, посипете бебешка пудра на мрсните места и оставете ја неколку часа за да ја впие маснотијата.
Или, нежно тапкајте ја дамката со мешавина од сол и вода. Детергентот за садови помага и при маснотии и други дамки. Ставете малку од него директно на дамката, нежно втријте го во ткаенината, оставете го десетина минути и измијте.
Доколку сакате да ја задржат формата, по миењето и сушењето, превиткајте ги и ставете ги во плакарот. Избегнувајте да ги ставате на закачалка бидејќи сопствената тежина во комбинација со гравитацијата ќе ги истегне, односно ќе им ја промени формата.
