Сакате да имате што повеќе растенија во вашиот дом, но како и да ги одржувате, на крајот тие „умираат“. Во продолжение ви пренесуваме неколку грешки кои повеќето луѓе ги прават кога се грижат за домашните растенија.
Многу луѓе сакаат растенија во затворен простор, но влегуваат неподготвени во обврската да се грижат за нив? Меган Кавано, експерт за нега на домашни растенија, ги откри четирите најчести грешки што луѓето ги прават во одгледувањето собни растенија.
„Сончевата светлина (или недостатокот од неа) беше дефинитивно причината зошто имав историја на убивање растенија. Се обидов да ги ставам во просторијата каде што мислев дека изгледаат најдобро како декор, но тоа не беше секогаш најздравото место за растење“, сподели Кавано.
Таа додава дека дури и кога се обидела да обрне внимание на потребите од светлина на нејзиното растение, не била сигурна дали природната светлина во нејзиниот дом е директна сончева светлина или индиректна сончева светлина.
Да им ставите вода или не? Тоа е големо прашање кога станува збор за грижата за растенијата, и едно со кое Меган мака мачеше.
„Знаев дека на сукулентите не им треба многу вода, но откако прочитав неколку написи, сфатив дека еднаш неделно е веројатно премногу. Сега се обидувам да наводнувам еднаш на неколку недели, или - пореално - кога само ќе помислам поминало некое време“, рече таа.
Па, како да знаете дали премногу ги наводнувате растенијата? Научете да ја „читате“ земјата, односно супстратот во кој е засадено растението.
Обидот да се избере собно растение е тешка работа. Се разбира, се грижите за тоа како изгледа, но исто така треба да знаете дали е воопшто собно растение или не. Истражувањата открија дека многу луѓе не можат да направат разлика помеѓу внатрешните и надворешните растенија. Ако сте еден од нив, не плашете се – затоа што не само што има растенија кои можат да растат и внатре и на отворено, туку и многу домашни растенија може да се преселат надвор во летните месеци или обратно.
Кастрењето на растенијата може да звучи страшно, но тоа е само термин за отсекување на мртвите лисја или пупки за да се поттикне нов раст. И не ви требаат ни фенси ножици за кастрење – доволни ви се стерилизирани кујнски ножици.
