Кога дури и научниците и истражувачите не можат да дадат точен одговор за тоа колку и како треба да вежбаме за да останеме здрави и во форма, се чини станува сѐ потешко да се мотивираме за да се раздвижиме или да го зголемиме темпото на физичка активност.
Иако во некои области има контрадикторност, за овие три работи нема сомнение дека станува збор за митови што ве спречуваат да го извлечете најдоброто од физичката активност за вашето здравје и форма.
МИТ: Вежбањето не помага во борба против негативните последици од стареењето
ВИСТИНА: Редовното вежбање има поволно дејство на мозокот и на телото што несомнено помага во балансирање на негативните последици од стареењето. Истражувањата покажале дека постарите лица кои се физички активни имаат помалку знаци на потенцијално срцево заболување што се одредуваат со клучни маркери на оштетување во крвта.
Умерената физичка активност никогаш не е на одмет за одржување на здрава форма и флексибилност, на секоја возраст.
МИТ: Забавениот метаболизам е главната причина за дебелеење со текот на годините
ВИСТИНА: Кога станува збор за капацитетот за горење калории, нашиот метаболизам речиси не се „поместува“ по 30-тата година, но тоа значи дека тоа не е вистинскиот виновник за зголемувањето на теината ссо секоја наредна деценија.
Здебелувањето со годините повеќе се должи на навиките за физичка активност, што значи дека ако сакате убаво обликувано тело, ќе треба да се испотите.
МИТ: За да останете во форма доволно е да вежбате еднаш до два пати неделно
ВИСТИНА: Еднаш до два пати неделно нема да биде доволно ако сакате здраво, флексибилно и обликувано тело.
За да добиете вистински резултати треба да вежбате три до пет пати неделно. Не мора сите тренинзи да бидат со ист интензитет, но направете нешто, макар и непрекината прошетка со исто темпо, во времетраење од 30 минути.
