Воспитувањето на детето е сложена и тешка задача. За жал, понекогаш фразите што ги изговараме како родители можат да доведат до конфликт.
Самодовербата е клучна во животот на секој човек. Силната самодоверба нè поттикнува да се справиме со проблемите, да преземаме ризик и да веруваме во себе кога е тешко.
Родителите треба да се трудат да ја негуваат самодовербата кај своите деца. Сепак, понекогаш прават грешки. Има четири основни грешки кои родителите често ги прават, а кои можат негативно да се одразат на самодовербата на децата.
Постојано го критикувате
Детето мора да знае кој е авторитетот, но доколку постојано го критикувате и го кревате тонот, ќе се плаши да направи грешка. Грешките се составен дел од животот и секој треба да помине низ тоа. Со овој начин на воспитување создавате личност со ниска самодоверба која ќе се бори со тоа целиот живот.
Иако можеби детето ќе се смири, ова е само краткорочно решение.
Откако ќе се реши проблемот, не го потсетувајте детето на тоа. Треба да им дозволите да продолжат понатаму. Исто така, децата треба да знаат дека кога проблемот ќе се реши, тој е дел од минатото. Колку повеќе ги бодрите вашите деца и им давате шанса да продолжат понатаму толку повеќе ќе се чувствуваат поубаво.
Саркастичен тон
Саркастичниот начин на обраќање ги повредува децата и може да биде пречка во комуникацијата. Освен што влијае негативно на самодовербата, може да резултатира со појава на бес кај детето кое нема да ве послуша ништо.
Не се трудите да ги разберете
Иако нивните идеи понекогаш се невозможни, а нивните проблеми не се толку големи како што им се чинат, потрудете се да ги сослушате и да им дадете некој совет. Колку и да се минимални тие проблеми, на нив не им изгледаат така. Обидете се да им го објасните тоа и да им покажете дека сте тука за нив.
Детето треба да се сака, а не да се казнува за секоја ситница. Воспитувањето е тешка улога. Сето она со што се соочуваат децата остава последици на нивното ментално здравје.
