Во периодот од 4500 до 2500 година пред н.е. телата на маж и жена, за кои се верува дека биле сопружници, биле внимателно сместени едно до друго во древни гробишта на харапанската цивилизација, една од најстарите во светот.
Илјадници години подоцна, во 2013 година, тим индиски и јужнокорејски истражувачи почнаа со ископување на некрополата што се наоѓа на територијата на денешен Ракигархи, северозападно од Њу Делхи, во обид да извлечат ДНК материјали од остатоците од скелети.
Во процесот на ископување беа најдени десетина скелети, а меѓу нив е најдена и двојката за која научниците сметаат дека е првата харапанска двојка погребана заедно.
„Истражувањата покажаа дека двајцата умреле во исто време и биле погребани во исто време“, вели Васант Шинде, археологот кој го води тимот.
Черепот на мажот бил најден свртен кон неговата партнерка.
„Беа заедно сместени во гробницата, така што веднаш помисливме дека можеби имале многу интимна поврзаност и дека најверојатно биле маж и жена“, вели Шинде.
Научниците велат дека најверојатно ќе остане мистерија како дајцата починале и биле погребани во исто време.