Турските инспектори имаат нови детали од истрагата за убиството на саудискиот новинар Џамал Кашоги кој на 2 октомври исчезна од саудискиот конзулат во Истанбул.
Во подземен паркинг во Истанбул најдоа возило на конзулатот на Саудиска Арабија, што според турските медиуми било оставено таму пред две недели. Тие шпекулираат дека ова најверојатно е возилото со кое било пренесено мртвото тело на Кашоги, со оглед на тоа дека неговото тело уште не е најдено.
Полицијата минатата недела ги претресе сите возила на конзулатот во самата зграда, како и резиденцијата на генералниот конзул, но ова возило го наоѓа дури сега.
Турските и саудиските власти водат истрага за саудискиот новинар Џамал Кашоги (59) кој на 2 октомври исчезна откако влезе во конзулатот, а пред неколку дена Саудиска Арабија призна дека тој бил убиен во конзулатот, во тепачка со припадници на службата за разузнавање.
Турските медиуми пишуваат дека Кашоги, гласен и истакнат критичар на саудискиот принц Мохамед бин Салман, бил намерно убиен и расчеречен во конзулатот.
Потоа „лажниот Кашоги“ продолжил да се шета низ Истанбул во текот на денот на 2 октомври.
Тој наводно е дел од 15-члениот саудиски тим што се сомничи за смртта на Кашоги. Снимката со маскираниот човек е направена неколку часа откако новинарот последен пат бил виден жив, како влегува во амбасадата.
Човекот од видеоснимката е идентификуван како Мустафа ал Мадани, според турски извор на CNN. Маскираниот човек подоцна бил виден кај Сината џамија во Истанбул, велат турските инспектори.