Физичката активност е важна за општото здравје, но одредени активности се особено поволни за одржување на здраво срце.
Едно најново истражување покажа дека кревањето тегови штити од срцеви болести повеќе отколку пешачењето или возењето велосипед.
Истражувањето на Универзитетот на Гранада покажа дека статичките активности се подобри за срцето отколку динамичните.
„И тренингот за сила и аеробната активност се добри за здравјето на срцето, дури и во мали количини. Лекарите треба да ги советуваат своите пациенти да вежбаат што било – и двата вида активности се добри. Сепак, статичката активност е малку подобра за срцето отколку динамичната, но пациентите кои ги изведувале и двата вида на тренинзи имале значително подобри резултати во споредба со оние кои засилиле само со едниот вид активност“, вели професор доктор Маја Смит.
Истражувачите направиле анализа на податоците на 4.000 возрасни Американци и ги проценувале ризиците за кардиоваскуларни болести како висок крвен притисок, вишок килограми, дијабетес и зголемено ниво на холестерол.
Потоа ги поделиле по старосни групи, по пол и според тоа дали се пушачи или не и резултатите покажале дека секоја физичка активност што ја применувале испитаниците помагала во намалување на ризикот од кардиоваскуларни болести од 30 до 70%.
Врската меѓу намалениот ризик и физичката активност била најсилна во случаите на статичен тренинг, особено кај помладите луѓе.