Со оглед на тоа што во моментов е актуелна пандемијата со COVID-19, животот на Земјата се врти најмногу околу коронавирусот. Време е малку да обрнеме внимание и на други аспекти, како на пример, на оваа фотографија од Јупитер, направена со највисока резолуција досега од планетата.
Научниците зад телескопот Gemini North на нивниот блог објавија фасцинантна фотографија на 7 мај.
Фотографијата е направена со посебна техника, односно составена е од илјадници снимки направени низ годините и сместени во една композиција.
Дел од фотографиите се направени и од телескопот Хабл, па може да се види споредбата.