Диего Марадона се има појавено во многу реклами, но веројатно најголемо внимание предизвика онаа на лутиот фудбалски ривал на неговата Аргентина, Бразил.
Во 2006 година Марадона беше ангажиран од компанијата Ambev за да сними реклама за нивниот газиран безалкохолен пијалак Guaraná Antarctica, пијалак сличен на Coca-Cola и достапен во разни варијанти како зеро, лајт, ајс...
Рекламата почнува така што бразилската фудбалска репрезентација на полн стадион пред натпревар почнува да ја пее националната химна. Камерата почнува од Роналдо, до него е Кака, па следен е Марадона.
Следниот кадар е како Марадона се буди од сон, очигледно сонувал, па погледнува на ноќната масичка полна со испиени лименки Guaraná Antarctica и коментира дека изглеа испил многу од популарниот бразилски пијалак.
Појавувањето на тогашните бразилски ѕвезди Роналдо и Кака не е монтажа - тие навистина учествувале во снимањето заедно со Марадона, кој морал цело време да биде облечен во жолтиот бразилски дрес.
На YouTube постои и видео од тоа како се снимала рекламата:
