Челси е подготвен да го направи најголемиот трансфер во историјата на клубот и да го доведе Аргентинецот од Бенфика Енцо Фернандес за 130 милиони евра, пренесуваат медиумите од Португалија.
Официјално најдобриот млад играч на Светското првенство во Катар и играчот кој воодушеви со своите настапи во походот за третата светска шампионска титула за Аргентина, во последните денови се поврзува со многу од најголемите клубови во светот, а речиси сигурно е дека кариерата ќе ја продолжи во клубот кој на Бенфика ќе ѝ плати највисоко обештетување.
Иако се споменуваше дека Манчестер Јунајтед и Реал Мадрид првично треба да се борат за неговиот потпис, сега во трката се вклучи и Челси и, според медиумите во Португалија, е подготвен да го собори клупскиот рекорд и да плати неверојатни 130 милиони евра обештетување.
Поранешниот играч од средниот ред на Ривер Плата се пресели во Бенфика во последниот преоден рок. Сепак, неговите настапи во лигата и Лигата на шампионите, во комбинација со она што го направи изминатиот месец, го профилираа како еден од најбараните играчи во светот.
Најскапиот трансфер во историјата на Челси беше доведувањето на Ромелу Лукаку од Интер за 113 милиони евра, а втор најплатен играч е Весли Фофана од Лестер кој беше платен 80 милиони евра, како и Каи Хаверц и голманот Кепа Аризабалага.
