Пробајте го рецептот за вкусни домашни кроасани.
Потребни состојки:
250 мл млеко
250 мл јогурт
250 мл вода
3 јајца
1-1,5 кг брашно
1 маргарин
1 квасец
1 лажица шеќер
1 лажица сол
1 јајце за премачкување
Начин на подготовка:
Замесете меко/средно меко тесто од сосотојките со постепено додавање на сувите состојки во течните. Поделете го веднаш тестото на 4 дела. Со секој дел се работи посебно. Не се ставаат една врз друга корите. Расукајте округла кора од еден дел, премачкајте ја со 1/4 од маргаринот(мек, на собна температура). Засечете ја кората на 8 места(не до средина), видете ја постапката на видеото. Преклопете го секој дел еден врз друг накај средина. Вака оформена, расукајте ја повторно кората. Исечете на триаголници, а секој триаголник засечете го малку на поширокиот дел. Растегнете го триаголникот и виткајте го. Бара малку повеќе внимание и труд. Повторете ја постапката со сите 4 дела. Оформените кроасани оставете ги околу 2 часа на собна температура на плех со хартија за печење да се удвојат. Премачкајте ги со јајце и печете на 200 С околу 15 минути.
