Грците компир салатата ја прават на сличен начин како и ние, а она што ја прави различна е преливот.
Салата од компир можете да јадете цела година, а одличен прилог е со риба. Секоја земја има свој рецепт за салата од компири. Најчесто ја подготвуваме со кромид и само го зачинуваме, а сега ви го пренесуваме совршениот грчки рецепт за салата од компири.
Потребни состојки:
- 1,3 кг млад компир
- 1 мал виолетов кромид
- 3 млади кромидчиња
- 1 китка магдонос
- 1 китка копар
- 100 гр маслинки каламата
- сол
за преливот:
- ¼ чаша вински оцет
- 2 лажички сенф
- 1½ лажичка оригано
- 2 чешниња лук
- 1½ лажичка сол
- ¼ лажичка бибер
- ½ чаша ладно цедено маслиново масло
Подготовка:
Добро измијте ги компирите и ставете ги во тенџере. Потоа покријте со вода и посолете. Гответе додека компирите не омекнат. За млад компир не е потребно многу време на оган.
Во сад измешајте оцет, сенф, оригано, лук, сол и бибер. Полека сипете го маслиновото масло, па сè убаво измешајте за убаво да се соединат состојките. Компирите процедете ги и оставете ги да се изладат во цедалка. Исечете ги компирите на половинка и ставете ги во садот во кој ќе ја послужите салатата. Додадете го сечканиот виолетов кромид, како и кромидот, магдоносот, копарот и маслинките. Сè убаво измешајте, па прелијте го преливот и повторно измешајте. Доколку е потребно, зачинете уште малку.
