Најдобриот рецепт за кремаст чизкејк со лимон

Потребни состојки:

200 г мелени биксвити или плазма

5 лажици кафеав шеќер

180 г шеќер во прав

120 г путер

500 г крем сирење

1 лимон

2 јајца

2 пакетчиња ванилин шеќер

360 г павлака

5 лажици шеќер

Начин на подготовка:

Вклучете ја рерната на 250 степени. Ставете хартија за печење во калап за торта и додајте 2 лажици кафеав шеќер и почнете со подготовка на подлогата. Промешајте ги бисквитите со 3 лажици кафеав шеќер и 120 г растопен путер. сипете ја смесата во калап и распоредете ја смесата. Печете ја точно 4 минути.

За тоа време подгответе го филот. Изматете 500 грама свежо сирење, сок од еден лимон, 2 јајца, 180 г шеќер во прав и ванилин шеќер.

Печената кора извадете ја од рерна и намалете ја температурата на 170 степени. Сипете го филот и печете 25 минути. Изматете павлака, 5 лажици шеќер и ванилин шеќер. Откако ќе се испече чизкејкот исклучете ја рерната, прелијте со подготвениот прелив и вратете ја во рерната на 5 минути. Оставете да се излади на собна температура, а потоа ставете ја во фрижидер. По 3 часа е подготвена за сервирање.