Еден од најдобрите начини за да го контролирате нивото на шеќери во крвта, да останете фит и да се чувствувате подобро е правилно да се храните.
Во продолжение прочитајте за некои од најдобрите диети за диететичари:
Медитеранска диета
Оваа диета подразбира многу овошје и зеленчук, како и риба, пилешко, маслиново масло и цели житарици. Она што нема често да јадете ако сте на оваа диета е месо и сол. Некои научни истражувања потврдија дека оваа диета помага во одржувањето нивото на шеќерот во крвта. Исто така, можете да се напиете и чашка вино за ручек, но не се препорачува повеќе од еден пијалак дневно за жени или два за мажи.
Dash диета
Прехранбени експерти го препорачуваат овој план на исхрана, бидејќи служи за намалување на крвниот притисок. Оваа диета подразбира многу овошје, млечни производи, цели житарици, ореви и грав. Истражувањата покажаа дека со оваа исхрана може да се подобри чувствителноста на инсулин, но мора да биде вклучена и целокупна програма за губење на телесна тежина со вежбање.
Зона диета
Оваа диета ја разви биохемичарот Бери Сирс. Нејзина цел е да се стабилизира количината на шеќери во крвта. Исхраната се состои од 40 отсто јаглехидрати, 30 отсто протеини и 30 отсто масти. Истражување од 2015 година покажа дека оваа диета има позитивен ефект на дијабетичарите, па овој вид на исхрана ќе биде добар за вас.
Палео диета
Палео диетата се базира на проучување на исхраната на нашите прапредци од периодот на палеолитот. Тоа значи дека ќе морате да заборавите на млечните производи, рафинираните шеќери, житариците и маслиновото масло. Месото и јајцата се најважни компоненти на Палео диетата, а можете да јадете и овошје, зеленчук, риба ореви и семки.
Безглутенска диета
Со помош на оваа диета ќе загубите вишок на килограми, ќе го подобрите варењето и ќе го зголемите нивото на енергија. Смеете да јадете, грав, семки, ореви, бадеми, свежи јајца, соја, компир и така натаму. Она што морате да го избегнувате се брашното, слатките, лебот, помфритот и тестенините.